Тан жароҳати олган 2 нафар пиёда шифохонага ётқизилган.
Фото: ИИБ ахборот хизмати
2022 йилнинг 15 ноябрь куни Навоий шаҳрида Lacetti машинаси йўлни кесиб ўтаётган 2 нафар пиёдани уриб юборган.
Навоий вилояти ИИБ ахборот хизматининг маълум қилишича, ЙТҲ 15 ноябрь куни соат 17:50ларда Навоий шаҳрининг Имом ал-Бухорий кўчасида содир бўлган. 1987 йилда туғилган ҳайдовчи Х.А. Lacetti машинасини бошқариб келаётиб, тартибга солинмаган пиёдалар ўтиш жойидан йўлни кесиб ўтаётган А.А. ва Б.Б.ни уриб кетган. ЙТҲ оқибатида пиёдалар тан жароҳати билан шифохонага ётқизилган.
Ҳозирда ЙТҲ юзасидан Навоий шаҳри ИИБ ҳузуридаги Тергов бўлими томонидан дастлабки тергов ҳаракатлари олиб борилмоқда.
