Европа дипломатияси раҳбари Жозеп Боррел Самарқандга келди

Европа Иттифоқининг ташқи ишлар ва хавфсизлик сиёсати бўйича олий вакили, Европа комиссияси вице-президенти Жозеп Боррел Самарқандга келди.

Фото: ТИВ ахборот хизмати

Ўзбекистон Ташқи ишлар вазирлиги хабарига кўра, Европа дипломатияси раҳбари «Европа Иттифоқи – Марказий Осиё» форматидаги йирик тадбирларда иштирок этади.

Самарқанд халқаро аэропортида юқори мартабали меҳмонни Ўзбекистон Республикаси ташқи ишлар вазири Владимир Норов кутиб олди.

Самарқанд шаҳрида «Европа Иттифоқи–Марказий Осиё» форматидаги ташқи ишлар вазирларининг навбатдаги учрашуви ва Ўзаро боғлиқликни мустаҳкамлаш биринчи вазирлар конференцияси ташкил этилади.