Тўқаев Путиннинг Ўзбекистон иштирокида уч томонлама иттифоқ тузиш ғояси ҳақида гапирди
Қозоғистон президенти Қосим-Жўмарт Тўқаев Россия президенти Владимир Путиннинг Россия, Қозоғистон ва Ўзбекистоннинг ўзига хос уч томонлама иттифоқини ташкил этиш, шу жумладан, газ соҳасидаги муаммоларни ҳал қилиш бўйича таклифини қўллаб-қувватлашини билдирди.
«Ҳа, қўшимча мувофиқлаштиришни ва ҳатто музокараларни талаб қиладиган масалалар бор. Хусусан, гап газ сектори ҳақида кетяпти. Лекин биз қандайдир масалани драмалаштирмаяпмиз. Мен Владимир Владимировичга шундай масалалар борлигини айтдим, улар муҳокама талаб қилади, лекин мутлақо драматизацияни эмас. Бу иш юзасидан бўладиган масалалар», деди Тўқаев.
Қозоғистон президенти бу сўзларни Кремлда, Россия-Қозоғистон музокараларидан кейин Россия бош вазири Михаил Мишустин билан бўлиб ўтган учрашувда айтган. Унинг сўзларини Interfax келтирмоқда.
Тўқаев «тегишли келишувларга эришамиз» деб ишонч билдирди. «Бундан ташқари, бугун Владимир Владимирович қандайдир уч томонлама иттифоқ тузишимиз кераклигини айтди ва у Ўзбекистон президентига қўнғироқ қилмоқчи», — деди Тўқаев.
Унинг қўшимча қилишича: «Керакли натижа ва келишувга эришиш учун биз ҳам бу масала моҳиятини тушуниб олишимиз керак, ҳар ҳолда ўзим ҳам. Мутахассисларимизни айтмасаям бўлади. Нега энди йўқ бўлиши керак?» деб хулоса қилди Қозоғистон раҳбари.
Мавзуга оид
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
09:52 / 14.09.2024
ЕИ Путиннинг сўзларидан кейин Украина учун қурол бўйича ўз позициясини ўзгартирмади
18:00 / 13.09.2024
Британия бош вазири Путинга: «Урушни Россия бошлаган ва дарҳол тугатиши мумкин»
22:25 / 12.09.2024