Қўшимча функционаллар
-
Тунги кўриниш
Туркманистон президенти амакиваччасини бардаги муштлашуви учун ишдан бўшатди
Сердар Бердимуҳамедов яқин қариндоши Аҳмет Гелдимуродовни ўта маст ҳолда прокурорни ургани учун юқори лавозимдан бўшатган.
Фото: Turkmen.news
Туркманистон президенти Сердар Бердимуҳамедов амакиваччаси Аҳмет Гелдимурадовни «Туркменгаз» давлат концерни раиси ўринбосари лавозимидан озод қилди. Сабаби — Ашхободдаги барлардан биридаги муштлашув.
Гелдимурадов барда ўта маст ҳолатда юқори лавозимли прокурорнинг бошига шиша билан туширган. Turkmen.news хабарига кўра, воқеа тахминан бир ой олдин содир бўлган.
Муштлашув муассаса ичидаги видеокузатув камераларига тушиб қолган. Манбанинг айтишича, кейинчалик видео президент ва унинг отаси Гурбангули Бердимуҳамедовга кўрсатилган. Орадан кўп ўтмай жанжалчи ишдан бўшатиб юборилган. Маълум қилинишича, энди у оиласи билан дам олиш учун Дубайга жўнаб кетган.
Хабарда таъкидланишича, Аҳмет Гелдимурадовни лавозимга тайинлаш ёки лавозимидан озод этиш тўғрисида бирорта ҳам расмий фармон эълон қилинмаган. Аммо 2021 йил октябр ойида Теҳронда ўтказилган Туркманистон-Эрон иқтисодий қўшма комиссияси иштирокчилари рўйхатида Аҳмет Гелдимурадов «Туркменгаз» давлат концерни раиси ўринбосари сифатида кўрсатилган.
Аҳмет Гелдимурадов собиқ президент Гурбангули Бердимуҳамедовнинг кичик синглиси Мяҳри Бердимуҳамедованинг ўғлидир. Унинг Малайзияда таҳсил олгани маълум.
Мавзуга оид
16:23 / 28.10.2024
Туркманистон Россияга газ етказиб беришни тўхтатди
22:15 / 25.10.2024
БМТ Марказий Осиёни «Тинчлик, ишонч ва ҳамкорлик ҳудуди» деб эълон қилди
18:51 / 12.10.2024
Ашхободдаги кўчага президентни даволаган немис шифокорининг номи берилди
16:34 / 11.10.2024