Қўшимча функционаллар
-
Тунги кўриниш
Ўзбекистон | 09:57 / 12.12.2022
9346
1 дақиқада ўқилади
Ноқулай об-ҳаво Қарши аэропорти фаолиятини вақтинча чеклаб қўйди
Қарши аэропорти фаолияти ноқулай об-ҳаво туфайли вақтинча чекланди. Бу ҳақда Uzbekistan Airports хабар берди.
Фото: Uzbekistan Airports
Кўриш чегарасининг пасайиши (400 м), туман ва кучли шамол «Азимут» авиакомпанияси рейсини Самарқанддаги муқобил аэродромга йўналтирилишига сабаб бўлди.
Ноқулай об-ҳаво шароити туфайли Россиянинг «Азимут» авиакомпаниясига тегишли, Москвадан Қаршига йўл олган А47095 рейси Самарқанд аэропортига йўналтирилган.
Маҳаллий вақт билан соат 07:15 да бортида 100 нафар йўловчи бўлган самолёт аэропортга келиб қўнган.
Об-ҳаво яхшиланиши билан рейс Самарқанддан Қаршига жўнаб кетиш кутилмоқда.
