Дам олиш кунлари бироз илиқ об-ҳаво кузатилади

Декабрь ойи бошида ҳаво ҳароратини белгилаган совуқ антициклон мамлакатни тарк этди. Ҳудудга илиқ ҳаво массалари кириб келди, ҳаво ҳарорати кескин кўтарилди, қор бутунлай эриб кетди.

Фото: Kun.uz

“Ўзгидромет” хабарига кўра, бугун ушбу ҳолат сақланиб туради, Ўзбекистон бўйича қуёшли ва илиқ об-ҳаво бўлиши кутилмоқда. Тошкент вилоятида баъзи жойларда шамол 15-20 м/с гача кучаяди. Кундузи ҳаво 9-14 даража илиққача, баъзи жойларда 16-18 даража илиққача кўтарилади, бу ўртача кўп йиллик қийматлардан 4-5 даражага юқоридир.

Дам олиш кунлари Ўзбекистон бўйича ёғингарчилик кутилмайди, аммо ҳарорат фони бироз пасаяди. Ҳаво ҳарорати кечалари 3 даража совуқ-2 даража илиқни, кундузи шанба куни 7-12 даража илиқни, якшанба куни 5-10 даража илиқни ташкил этади ва ушбу кунларнинг меъёрий қийматларига яқин бўлади.

Республика бўйича баъзи жойларга туман тушиши кутилмоқда.