Қўшимча функционаллар
-
Тунги кўриниш
Словакия парламенти ҳукуматга ишончсизлик билдирди
150 депутатдан 78 нафари Эдуард Хегер вазирлар маҳкамасига ишончсизлик вотуми учун овоз берди. Ташаббус аввалроқ ҳукмрон коалициядан чиққан «Озодлик ва бирдамлик» партиясидан чиқди.
Фото: Jaroslav Novak/TASR via AP
Словакия Миллий кенгаши (парламенти) 15 декабрь, пайшанба куни Эдуард Хегер бошчилигидаги ўнг марказчи ҳукуматга ишончсизлик билдирди. 150 депутатдан 78 нафари ишончсизлик вотумини ёқлаб овоз берди.
Овоз бериш ташаббуси билан ҳукмрон коалициядаги собиқ ҳамкорлардан бири - ўнг марказчи «Озодлик ва бирдамлик» партияси чиқди. Сентябрь ойида тўрт партияли коалицияни тарк этган сиёсий куч етакчиси Рихард Сулик унинг партияси «ҳукуматнинг янгиланишини қўллаб-қувватлашини» айтди.
«Озодлик ва бирдамлик» дастлаб молия вазири Игор Матовичнинг вазирлар маҳкамасидаги ўз лавозимини сақлаб қолишига қарши чиқди. Матович ишончсизлик тўғрисида овоз бериш жараёни ўтказилмаслиги учун 15 декабрь куни Хегерга истеъфога чиқиш ҳақида ариза берди. Бироқ ҳукумат раҳбари молия вазирининг илтимосини рад этди.
Парламент қарори муддатидан олдин сайловлар ўтказилишини англатмайди. Словакия конституциясида айтилишича, амалдаги ҳукумат президент янги вазирлар маҳкамасини тайинламагунча мамлакатни бошқариши мумкин.
Мавзуга оид
12:17 / 18.11.2024
Ўзбекистон ва Словакия авиация соҳасида қўшма лойиҳани амалга оширади
14:26 / 16.11.2024
Янги Зеландияда маори депутатлари баҳсли қонун лойиҳасига норозилик билдириб, мажлисда рақсга тушди
23:01 / 06.11.2024
Қатар аҳолиси парламент сайловларидан воз кечишга овоз берди
23:25 / 04.11.2024