Россияда икки аёлни ўлдиришда гумонланаётган ўзбекистонлик мигрант қидирувга берилди

Шов-шувли қотиллик бўйича жиноят иши очилган.

Фото: Тимофей Калмаков

Россиянинг Красноярск ўлкаси, Волжский қишлоғида икки аёл шафқатсизларча ўлдирилиб кетилди.

26 декабр куни хусусий турар жой биносида қотиллик аломатлари бўлган 74 ёшли аёл ва унинг 47 ёшли қизининг жасади топилган. Тергов маълумотларига кўра, қотиллик ғаразгўйлик мақсадида содир этилган ва жиноий иш қўзғатилган. Аёлларни ўлдирганликда ўзбекистонлик мигрант гумон қилинмоқда.

Хавфсизлик кучлари жиноят содир этишда гумон қилинувчи шахсни аниқлаш ва ушлашга қаратилган процессуал ҳаракатлар ва тезкор тадбирларни амалга оширмоқда.

Россия Федерацияси Тергов қўмитаси раиси Александр Бастрикин жиноят иши терговини шахсан назоратига олган.