"ГУР": Эрон Россияга баллистик ракеталар етказиб беришни кечиктиряпти

Россия ва Эрон баллистик ракеталар етказиб бериш бўйича дастлабки келишувга эришди, бироқ ҳозирча Теҳрон юзага келиши мумкин бўлган салбий оқибатлардан қўрқиб, келишув шартларини бажаришга шошилмаяпти.

Фото: Reuters

Бу ҳақда миллий телемарафон эфирида Украина Мудофаа вазирлиги Разведка бош бошқармаси ("ГУР") вакили Андрей Юсов баёнот берди.

Айни пайтда, Эрон томонидан Россияга учувчисиз учоқларни етказиб бериш давом этмоқда, деди у.

Аввалроқ Володимир Зеленский Россия Эрондан 250 дона Shahed камикадзе учувчисиз учоқларини олгани ва Украинага зарба бериш учун уларни Россиянинг "Герань-2" учувчисиз учоқлари сифатида яшираётгани ҳақида айтганди.

Унинг сўзларига кўра, айнан мана шу дронлардан Украинага қилинган сўнгги ҳужум пайтида фойдаланилган.

#Эрон #Россия