Ўзбекистон МДҲда автомобил йўллари узунлиги бўйича 4-ўринни эгаллади

Давлат статистика қўмитаси маълумотларига кўра, 2022 йилнинг 1 январь ҳолатига МДҲ давлатларида умумий фойдаланишдаги автомобил йўлларининг узунлиги бўйича Россия биринчи ўринни эгаллади – 1,6 млн км.

Ундан кейинги ўринлардан мос равишда 103,4 минг км ҳамда 95,4 минг км умумий фойдаланишдаги автомобил йўллар билан Беларусь ва Қозоғистон жой олди.

Ушбу кўрсаткич қолган давлатлар кесимида қуйидагича кўринишга эга:

• Ўзбекистон – 42,9 минг км;
• Озарбойжон – 28,7 минг км;
• Молдова – 9,5 минг км;
• Арманистон – 7,5 минг км.

Рақамлар давлатларнинг расмий статистика маълумотларидан олинган.