Ўзбекистон бўйлаб ҳаво ҳарорати кўтарилиши кутиляпти

28-29 январь кунлари республикада ҳаво ҳарорати кўтарилади.

Фото: Kun.uz

"Ўзгидромет" прогнозларига кўра, 28-29 январь кунлари республика жанубий вилоятларида кундуз кунлари ҳарорат +10 даражагача кўтарилади.

Соҳа мутахассиси Эркин Абдулаҳадовнинг маълум қилишича, мазкур кунлари шимол ва водий вилоятларида +5 даража, марказий ва Тошкент вилояти ҳудудларида +7 даражагача илиқ ҳароратлар кутилади.

Келаётган беш кунликда республика бўйлаб ёғингарчилик кутилмайди.

Картада ҳам узоқ давом этган совуқ антициклонлар сериясининг республикадан чекинаётганини кўриш мумкин.