Қорақалпоғистондаги тартибсизликларда айбланаётганларга 31 январ куни суд ҳукми ўқилади

22 нафар судланувчига нисбатан суд ҳукми Бухоро вилояти суди биносида эълон қилинади.

Фото: Олий суд ахборот хизмати

2023 йил 31 январ куни соат 10.00 да Бухоро вилояти суди биносида 2022 йил 1-2 июл кунлари Нукус шаҳридаги оммавий тартибсизликларни содир этганликда айбланаётган 22 нафар судланувчига оид жиноят ишини кўриб чиқиш якуни бўйича суд ҳукми эълон қилинади. Бу ҳақда Олий суд хабар берди.

Январ ойи бошида давлат айбловчиси судланувчиларга айбланаётган моддалар бўйича уларнинг айбини енгиллаштирувчи ва оғирлаштирувчи ҳолатларни инобатга олган ҳолда қонунда белгиланган тартибда жазо тайинлашни, жумладан, Нукус воқеаларидаги бош гумондор Даўлетмурат Тажимуратов ва Лолагул Қаллихановага мос равишда 18 ва 11 йил озодликдан маҳрум этиш жазосини сўраган эди.

Тайёрлаган Сардор Юсупов

#Ўзбекистон #суд #Қорақалпоғистон

1-2 июл кунлари Қорақалпоғистон маркази Нукус шаҳрида тартибсизликлар кузатилди. Миллий гвардия ходимлари билан тўқнашувларда 200 дан ортиқ киши яраланган, 18 киши ҳалок бўлган.