Ўзбекистон ва Афғонистон чегарасидаги қамишзорларга режали равишда ўт қўйилмоқда
Бу чоралар зараркунанда ҳашаротлар кўпайиши ва юқумли касалликлар тарқалишининг олдини олишга қаратилган.
Ўзбекистон ва Афғонистон чегарасида режали ёқиш ишлари ўтказилмоқда. Бу ҳақда Сурхондарё вилояти ҳокимлиги хабар берди.
Аввалроқ, ижтимоий тармоқларда Термиз шаҳри атрофида кучли ёнғин юз бергани тасвирланган фотосуратлар тарқалган эди.
Қайд этилишича, Амударё оролчаларидаги қамишзорларда турли касалликлар ташувчиси ҳисобланган зараркунанда ҳашаротлар кўпайиши ва юқумли касалликлар тарқалишининг олдини олиш учун режали тартибда ўт қўйиш ишлари олиб борилмоқда.
«Тадбир мутасадди идоралар рухсати ҳамда масъул органларнинг ўзаро келишуви асосида амалга оширилиб, оролчалардаги ёнғин кўлами тўлиқ назоратга олинган», дейилади хабарда.
Тадбир белгиланган режага мувофиқ олиб борилаётгани айтилган ва фуқаролардан ортиқча ваҳимага берилмаслик сўралган.
Мавзуга оид
09:13 / 27.09.2024
Тошкент вилоятида иккита уй ёниб кетди
23:22 / 24.09.2024
БМТ Афғонистонда аёлларга қўйилган барча чекловларни олиб ташлашни талаб қилди
19:37 / 24.09.2024
Муҳожирлардан ҳимояланиш учун: Эрон Афғонистон билан чегарада девор қурмоқда
00:28 / 19.09.2024