Қўшимча функционаллар
-
Тунги кўриниш
Столтенберг 2023 йил кузида НАТО раҳбари лавозимини тарк этиш ниятида
Йенс Столтенбергнинг НАТО бош котиби сифатидаги ваколати аллақачон уч марта узайтирилган ва у кузда тугайди. Альянс расмий вакилининг сўзларига кўра, у мандатни янгидан узайтириш ниятида эмас.
Фото: Reuters
НАТО бош котиби Йенс Столтенберг ўз лавозимини 2023 йилнинг кузида тарк этиши керак. НАТО матбуот котиби Оана Лунгеску 12 февраль, якшанба куни Брюсселда Столтенбергнинг ваколати октябргача тугаши ва «у мандатни яна узайтириш ниятида эмаслигини» айтди.
Аввалроқ Welt am Sonntag газетаси юқори мартабали дипломатик манбаларга таяниб, Столтенберг ўз лавозимида 2024 йилнинг апрелигача, НАТО ташкил топганининг 75 йиллиги нишонланадиган вақтгача қолиши кераклигини хабар қилган эди. Нашр суҳбатдошига кўра, НАТОга аъзо 30 та давлат Украинадаги уруш фонида альянс раҳбариятидаги барқарорлик учун амалдаги бош котибнинг ваколат муддатини узайтиришга норасмий равишда рози бўлган.
Йенс Столтенберг 2014 йилдан бери НАТО раҳбари бўлиб келмоқда, унинг ваколати аллақачон уч марта узайтирилган, охирги марта - Украинада Россия уруши бошланганидан кўп ўтмай, 2022 йилнинг мартида, муддати эса 2023 йил 30 сентябрда тугайди.
Мавзуга оид
15:01 / 20.12.2024
Олаф Шолц НАТО бўйича иттифоқчиларни Украинани қўллаб-қувватлашга чақирди
07:52 / 19.12.2024
НАТО Киевга ҳарбий ёрдамни мувофиқлаштиришни ўз зиммасига олди
21:58 / 16.12.2024
Россия мудофаа вазири армияни НАТО билан урушга тайёрлашни буюрди
19:58 / 13.12.2024