Самарқанд шаҳри атрофида жойлашган автомобилларга газ қуйиш шохобчаларидан бирининг яқинига келиб қўнган тасқара уча олмай қолади.
Фото: Telegram / ekologuz
Буни кузатиб турган шу атрофдаги фуқаролар зудлик билан Самарқанд шаҳар Экология ва атроф-муҳитни муҳофаза қилиш бўлимига мурожаат қилишади.
Бўлим ходимлари томонидан тасқара ветеринар кўригидан ўтказилиб, вақтинча сақлаш учун “Зарафшон” миллий табиат боғи питомнигига топширилди.
Тасқара Ўзбекистон Қизил китобга киритилган бўлиб, мутахассислар бу қушга “Табиат санитари” деб ҳам таъриф беришади.
Эслатиб ўтамиз, яқиндагина Самарқандда Қизил китобга киритилган яна бир ноёб қуш топилиб, ёрдам кўрсатилган эди.
