Тошкентда "Спарк" ёритиш мосламасидаги қисқа туташув сабабли ёниб кетди

Тошкент шаҳар Чилонзор тумани Бунёдкор кўчаси, Олий Мажлис биноси қаршисида йўл-транспорт ҳодисаси содир бўлди. Тошкент шаҳар ИИББ ЙҲХБ ҳолат юзасидан маълумот берди.

Фото: ИИББ ЙҲХБ

2023 йил 13 апрель куни соат 21:30 ларда Чилонзор тумани Бунёдкор кўчаси бўйлаб ҳаракатланиб кетаётган "Спарк" русумли автомашинанинг ўнг томон ёритиш мосламасида қисқа туташув юзага келгани сабабли ёнғин содир бўлган.

Ушбу ҳолат бўйича тан жароҳати олганлар йўқ.

Ҳолат юзасидан Тошкент шаҳар ИИББ ЙҲХБ ҳамда ҳудудий Фавқулодда вазиятлар бўлими масъул ходимлари томонидан суриштирув ҳаракатлари олиб борилмоқда.

Барча ҳайдовчилардан транспорт воситаларининг техник ҳолатини мунтазам равишда назорат қилиб бориш сўралган.

#транспорт #Чилонзор