Евгений Пригожин Сергей Шойгуни Бахмутга "жанговар тажрибаси" билан бўлишиш учун таклиф қилди.
"Вагнер" ХҲК асосчиси Евгений Пригожин Россия мудофаа вазири Сергей Шойгуга "ҳозирги вазиятни мустақил баҳолаш" учун Украинанинг Бахмутига келиш таклифи билан мурожаат қилди.
“Оғир оператив вазиятни, шунингдек, жанговар ҳаракатлардаги кўп йиллик тажрибангизни ҳисобга олиб, Россия Федерацияси ҳарбийлаштирилган бўлинмалари назорати остидаги Бахмут аҳоли пункти ҳудудига етиб келишингизни ва ҳозирги вазиятни мустақил баҳолашингизни сўрайман”, деган Пригожин 12 май, жума куни унинг матбуот хизмати томонидан тарқатилган мактубида.
Худди шу мактубда Пригожин Россия Қуролли кучларининг Шойгу томонидан бошқариладиган, "вагнерчилар" қанотларини ёпиб турган ҳамда масъул зонасида Украина армияси "бир қатор муваффақиятли қарши ҳужумларни амалга оширган" бўлинмалари ҳақида шикоят қилди.
