Миллий гвардия ходимларининг маъмурий ҳуқуқбузарликларни кўриб чиқишдаги ваколати кенгайди

Президент томонидан имзоланган қонун билан Маъмурий жавобгарлик тўғрисидаги кодексга ўзгартиришлар киритилди.

Фото: Kun.uz

Миллий гвардия органларининг ходимларига майда безорилик, совуқ қуролни ёки совуқ қурол сифатида фойдаланилиши мумкин бўлган ашёларни олиб юриш, вояга етмаган шахсни маъмурий ҳуқуқбузарлик содир этишга, ғайриижтимоий хатти-ҳаракатларга жалб қилиш, жамоат жойларида алкоголь маҳсулотларини истеъмол қилиш каби маъмурий ҳуқуқбузарликлар бўйича ишларни кўриб чиқиш бўйича қўшимча ваколат берилди.

Бундан ташқари, Миллий гвардия ходимлари юқоридаги ҳолатлар бўйича баённомалар тузиши ва уларни кўриб чиқиш учун судга юбориши ҳам мумкин бўлди.

Қонун эълон қилинган кундан эътиборан кучга киради.