Шерзод Ибрагимов Миллий гвардия қўмондонининг биринчи ўринбосари бўлди

Сўнгги икки йилда Йўл ҳаракати хавфсизлиги хизматини бошқариб келган полковник Шерзод Ибрагимов фаолиятини Миллий гвардия қўмондонининг биринчи ўринбосари сифатида давом эттиради.

Фото: Kun.uz

Президент қарори билан, Ибрагимов Шерзод Шокирович Ўзбекистон Республикаси Миллий гвардияси қўмондонининг биринчи ўринбосари лавозимига тайинланди. Бу ҳақда 1 июл куни Миллий гвардия матбуот хизмати хабар берди.

Тайинловга қадар Ибрагимов Ички ишлар вазирлигида Йўл ҳаракати хавфсизлиги хизмати бошлиғи лавозимида ишлаётган эди.

Маълумот учун, Шерзод Ибрагимов фаолияти давомида:

Навоий вилояти ИИБ Патрул-пост хизмати ва жамоат тартибини сақлаш бошқармаси бошлиғи, Навоий вилояти ИИБ бошлиғининг жамоат тартибини сақлаш бўйича ўринбосари бўлган.
2022 йил ноябрида ИИВ Жамоат хавфсизлиги департаменти бошлиғи ўринбосари – Жамоат тартибини сақлаш хизмати бошлиғи лавозимига тайинланган.
2024 йил июлидан ИИВ ЖХД Йўл ҳаракати хавфсизлиги хизмати бошлиғи сифатида иш бошлаган эди.

Эслатиб ўтамиз, жорий йил январида Миллий гвардия қўмондони лавозимига Баҳодир Тошматов тайинланган эди.