Франциянинг «ПСЖ» клуби жамоа устози Кристоф Галтьени расман истеъфога чиқариб, янги бош мураббий номини эълон қилди.
Унга кўра, Париж клуби раҳбарияти жамоа бошқарувига Луис Энрикени таклиф этди. 53 ёшли испаниялик мутахассис билан 2 йиллик шартнома имзоланган.
Энрикенинг сўнгги иш жойи Испания миллий жамоаси бўлганди. У шунингдек, «Рома», «Сельта» ва «Барселона» клубларини бошқарган.
Маълумот учун, «ПСЖ» Кристоф Галтье қўл остида якунланган мавсум Франция чемпионлигини қўлга киритганди.