Ўзбекистонда бу мавсумдаги илк пахта очилди

Жарқўрғондаги фермер хўжалигида 2023 йил мавсумида пахтанинг «Султон» элита нави экилган.

Фото: Agro.uz

Ўзбекистоннинг Сурхондарё вилоятида бу мавсумдаги илк пахта очилди. Бу ҳақда Қишлоқ хўжалиги вазирлиги хабар бермоқда.

Қайд этилишича, Жарқўрғон туманидаги «Абдумўмин Жўраев» фермер хўжалигида илк пахта очилган.

«Далани айланар экансиз, ғўзаларнинг қадди тиклиги, ҳар бирида 15-20 тадан кўсак мавжудлиги юқори ҳосилдан дарак бераётганини англайсиз», дейилади вазирлик хабарида.

Билдирилишича, фермер хўжалигида 2023 йил мавсумида пахтанинг «Султон» элита нави экилган. Экиш ишлари 19 март куни бошланган.