АҚШ Сенати рекорд даражадаги ҳарбий бюджетни тасдиқлади

АҚШ Сенати мудофаа харажатлари учун 880 миллиард долларлик қонун лойиҳасини маъқуллади. Бу ҳақда C-SPAN телеканали хабар берди. 

Якуний лойиҳа дастлабки вариантдан бироз фарқ қилади. Унда давлат тиббий суғуртаси ва ҳарбийлар орасидаги гендер масалалари бўйича бандлар бор. Ушбу ўзгаришлар қонун лойиҳаси АҚШ президенти Жо Байденга имзолаш учун юборилишидан олдин келишув комиссияси томонидан ҳал қилиниши керак. 

Мудофаа бюджетида Украина учун ATACMS оператив-тактик ракета тизимлари учун 80 миллион доллар, шунингдек, Хавфсизлик ташаббуси орқали ёрдам сифатида 300 миллион доллар ажратилиши кўзда тутилган. 

Аввалроқ АҚШ Сенати мудофаа бюджетига Киевга ҳарбий ёрдамни чеклаш бўйича тузатиш киритишни қўллаб-қувватламаган эди.