Навоийда 3 туп дарахтни кесган раҳбар табиатга 92 млн сўм зарар етказди 

Навоий вилояти Экология бошқармаси давлат инспекторлари томонидан Навоий шаҳрида ўтказилган рейдда қонунбузарлик ҳолати аниқланган. 

Жумладан, «Тонг» мажмуаси ҳудудида I.G.N. МЧЖ томонидан қурилиш ишлари олиб борилаётганида 3 дона тут дарахти таг қисмидан кесиб ташланган. Оқибатда табиатга 92 млн 400 минг сўм зарар етказилган. 

Ҳолат юзасидан корхона раҳбарига нисбатан тегишли ҳужжатлар расмийлаштирилган. 

Ҳозирда тўпланган ҳужжатлар суд органларига юборилиб, табиатга етказилган зарарни ундириш чоралари кўрилаётгани айтилмоқда.