Ўзбекистон ва Япония меҳнат миграцияси соҳасида ҳамкорликни ривожлантиради.
Фото: Ташқи меҳнат миграцияси агентлиги
Ташқи меҳнат миграцияси агентлигида Такаразука тиббиёт ва соғлиқни сақлаш университети ректори Накамура Жуничи билан учрашув ўтказилди.
Агентлик хабарига кўра, унда ушбу олий таълим муассасаси филиалини Ўзбекистонда очиш ва келгусида битирувчиларни Японияга ишга жўнатишни йўлга қўйиш масалалари муҳокама қилинди.
Маълумот учун, айни пайтда мазкур университетда 105 нафар ўзбекистонлик талабалар таҳсил олмоқда. Уларнинг бандлигини таъминлашда ёрдам кўрсатадиган япон компаниялари билан ҳамкорлик ўрнатилган.
