Япония бош вазири Фукушима денгиз маҳсулотлари хавфсизлигини кўрсатиш учун уларни еб кўрсатди

Япония бош вазири Фумио Кишида ва бир қатор вазирлар Фукушима префектураси соҳилларидан олиб келинган денгиз маҳсулотларини оммавий тарзда татиб кўришди. Бу намойишкорона тамадди Япония ҳукумати «Фукусима-1» атом электростанцияси сувлари океанга тўкилаётгани сабаб танқидлар остида қолгани фонида амалга оширилди.

Фото: Япония ҳукумати ахборот хизмати

Япон ҳукумати ўтган ҳафтада АЭСдаги тозаланган сувни Тинч океанига оқизишга рухсат берди. Японлар буни кескин танқид қилишди. Мамлакат савдо вазирининг айтишича, бош вазир ушбу сувлар тўкилаётган ҳудудда тутилган балиқ, саккизоёқ, денгиз маҳсулотлари ва гуручни татиб кўрган.

24 август куни Япониянинг Tokyo Electric Power компанияси «Фукусима-1» АЭСидан чиққан сувни тозалаб, океанга оқизишни бошлади. Бунга жавобан Хитой Япониядан олиб кириладиган денгиз маҳсулотлари импортини тақиқлаб қўйди. Халқаро атом энергетикаси агентлиги АЭСнинг тозаланган сувини океанга оқизиш хавфсиз эканини маълум қилган.