Янги iPhone 15 тақдимоти ўтказилди. Асосий янгиликлар

Apple Lightning ўрнига USB-C туйнугига (порт) эга илк айфонларини намойиш этди. iPhone 15 Pro титанли корпусга, iPhone 15 — пуштиранг ва «динамик орол»га эга бўлган. Янги iPhone смартфонларида янги тугма, каттароқ ўлчамдаги экран, яхшиланган камера ва процессор ҳам бўлади.

Фото: Apple

12 сентябр куни Apple Купертинодаги штаб-квартирасида янги авлоддаги айфон смартфонлари ва ақлли соатлари намойиш этилган кенг кўламли тақдимотини ўтказди. Қуйида iPhone 15 ҳақидаги энг қизиқарли маълумотлар келтирилади.

Посмотреть эту публикацию в Instagram

Публикация от Kun.uz (@kun.uz)

iPhone илк бор Lightning эмас, USB-C туйнугидан фойдаланади

Барча янги моделлар — iPhone 15 ҳам, 15 Plus ҳам, 15 Pro ва 15 Pro Max’да ҳам — одатдаги Lightning туйнуги ўрнига USB-C пайдо бўлган. Бу айфонларнинг шундай улагичга эга илк линиясидир, компания бунга қадар улардан iPad ва MacBook’да фойдаланишни бошлаганди.

Бу сим орқали маълумот узатиш тезлиги оширилган.

ОАВнинг эътибор қаратишича, Apple аллақачон Lightning’дан USB-C’га мослагични алоҳида сота бошлади. АҚШда унинг нархи 29 доллардан.

Тўлиқ Apple қурилмаларидан фойдаланувчилар учун вазият бирмунча осонроқ кечиши керак — энди уларга камроқ кабел ҳам етарли бўлади. Масалан, иккинчи авлоддаги янгиланган AirPods Pro қулоқчинлари ҳам USB-C порти билан таъминланган. Фақат Apple Watch ҳали ҳам «таблетка» кўринишидаги қувватлагичлардан фойдаланишда давом этиши мумкин.

Афтидан, бундай ўзгаришнинг асосий сабаби — Европа Иттифоқи симли қувватланадиган мобил қурилмаларни 2024 йил охирига қадар универсал улагичга (USB Type-C/USB-C) ўтиш мажбуриятини юклагани билан боғлиқ.

iPhone 15 пуштирангга эга бўлди. Янги авлодда илк бор — «динамик орол»

Apple’нинг олдинги икки авлодида ёрқинроқ рангларга афзаллик берилган бўлса, компания iPhone 15’ни пастел рангларда ишлаб чиқарди: пушти, ҳаворанг, яшил, сариқ. Шунингдек, классик қора вариант ҳам бўлади.

iPhone X (2017 йил)да пайдо бўлган «челки» ўрнига, асосий iPhone 15 қурилмаси Dynamic Island («динамик орол»)дан фойдаланади — фронтал камера учун қўшимча функционалларга эга кесим ва ўнлаб кичик дастурий таъминот функциялари бирлаштирилиши. У охирги авлодда пайдо бўлган ва бунга қадар фақат iPhone 14 Pro ва 14 Pro Max’да мавжуд эди.

Pro ва Pro Max сериялари дисплейлари LIPO технологиялари бўйича тайёрланган ва шу туфайли экран ҳошияси 0,7 мм.га юпқалашиб, унинг кенглиги бор-йўғи 1,5 мм бўлган.

Энди аниқ айтиш мумкинки, Apple iPhone mini’дан воз кечган — қаторасига иккинчи йил тақдимот энг кичик моделсиз ўтказилди, iPhone 13 mini сотувдан олиб ташланган.

Асосий айфонлар ҳажми ўзгаришсиз қолган: iPhone 15 6,1-дюймли экранга эга, iPhone 15 Plus — 6,7-дюймли. Дисплей ёрқинлиги олдинги моделларга қараганда икки баравар кўп (1000 га қарши 2000 нит).

iPhone 15 ҳам, iPhone 15 Plus ҳам A16 Bionic чипида ишлайди, у илк бор 14 Pro да пайдо бўлганди. Компания оптималлаштириш ва энергия тежамкорлиги устида ишлаган, бунинг натижасида iPhone’лар энди кун бўйи қувватланмасдан ишлаши мумкин. Қўнғироқ вақтида шовқин пасайтириш фаоллашади, бу гавжум жойда гаплашганда бегона товушларни яшириш имконини беради.

Асосий камера модули 48 мегапикселга эга. Суратга олишдаги яна бир алоҳида хусусият шундаки — агар илгари портрет режимига (ёндан) қайта ўтиш талаб этилган бўлса, энди буни сунъий интеллект ўзи ҳал қилади. Ва ҳатто сурат тушириб бўлингандан кейин ҳам фокус объектини ўзгартириш мумкин — аввал бунинг учун бошқа иловадан фойдаланишга тўғри келарди.

Титанли «йирик» iPhone 15 Pro ва iPhone 15 Pro Max

iPhone 15 Pro ҳам, iPhone 15 Pro Max ҳам титандан ишланган — мустаҳкам, чидамли, енгил ва «Apple тарихидаги энг юқори сифатли материал». Компания маълум қилишича, энди унинг айфонлари Марс вездеходларида ишлатиладиган моддалардан ҳам тайёрланиши мумкин.

Титанли айфонлар асосий моделларга қараганда бутунлай бошқача рангларда ишлаб чиқарилади — қора, оқ, кўк ва «натурал». iPhone 15 Pro экрани диагонали — 6,1 дюйм, iPhone 15 Pro Max’ники — 6,7 дюйм, иккисида ҳам компания учун рекорд даражадаги юпқа рамкали Super Retina XDR дисплейи ўрнатилган.

Энг кучли айфонлар микрочиплар ишлаб чиқариш соҳасидаги энг илғор технологиялардан саналган 3 нанометрли технологияси бўйича тайёрланган A17 Pro процессорини олган. iPhone 15 Pro ҳам, 15 Pro Max ҳам 10 Гбит/сониягача бўлган USB-C маълумотлар узатиш тезлигини қўллаб-қувватлайди.

Икки модел ҳам 48 мегапикселли камера ва ProRAW суратлар олиш қобилиятига эга (профессионал съёмка учун мўлжалланган). iPhone 15 Pro уч карра катталаштирувчи оптик зумга эга, iPhone 15 Pro Max эса — беш карра.

Шунингдек, Pro ва Pro Max билан Spatial Video номини олган 3D-видео олиш мумкин. Apple уларни Vision Pro гарнитурасида кўриб чиқишни таклиф этмоқда — 3,5 минг долларлик қурилма 2024 йилда чиқиши керак.

Овозсиз режим янги тугма билан ёқилади, у кўп функцияли қилинган

Овозсиз режимни ёқишга жавоб берган тугма биринчи айфонда ҳам бор эди — ва якунда 16 йил давомида сақланиб қолди. Бу йили Apple илк бор ундан воз кечди, аммо ҳозирча фақат iPhone 15 Pro ва 15 Pro Max’да.

Бу моделларда энди товуш режимларини алмаштириш учун жисмоний тугма бўлмайди — унинг ўрнига дастурланувчи Action Button тугмаси пайдо бўлган, тугмадаги функцияни меню орқали ўзгартириш мумкин, масалан, камерани ёки фонарни ёқишга.

The iPhone 15 Pro has a new Action Button on the side pic.twitter.com/FRXkNwtveq
— The Verge (@verge) September 12, 2023

Айфонлар нархи ўтган йилдаги каби қолган

Одатдаги каби, Apple тақдимотда янги қурилмаларнинг АҚШдаги хариди, солиқлар ҳисобга олинмаган ҳолда қанчага тушишини эълон қилди. Янги Apple Watch учун Штатларда 12 сентябрдан, iPhone учун — 15 сентябрдан тўлов қилиш мумкин.