Apple’га $634 миллион жарима: Masimo билан можаро яна авжида

Калифорния суди Apple’ни Masimo патентини бузганликда айбдор деб топди ва компания $634 млн тўлаши белгилади. Бу қарор Apple Watch’нинг АҚШга импортига яна тақиқ қўйилиши эҳтимолини кучайтирмоқда.

Фото: Аббосхон Юсуфжонов

Можаро 2023 йилда бошланган: ўшанда Apple қон кислородини ўлчовчи сенсор бўйича патентни бузганликда айбланиб, Watch Series 9 ва Ultra 2’ни АҚШда вақтинча сотолмай қолган эди. 2024 йилда сотув тикланди, аммо пулсоксиметрсиз.

2025 йилда Apple функцияни қайта жорий қилди — энди ўлчовлар соатда эмас, iPhone’да ҳисобланади. Masimo эса бу ҳали ҳам патентни бузаётганини даъво қилмоқда.

Ҳозир АҚШ Халқаро савдо комиссияси Apple Watch’ларнинг импортига яна тақиқ қўйиш керакми-йўқми, шуни текширмоқда. Якуний қарор 6 ой ичида чиқади.

Технологиялар тез ўзгараётган бугунги кунда энг сўнгги янгиликлардан хабардор бўлиш муҳим. Рақамли дунёда адашиб қолмаслик ва шундай янгиликларни биринчилардан билиш учун KUN.UZ Texnologiya Телеграм саҳифасини кузатиб боринг.

Тайёрлаган: Аббос Юсуфжонов

#Apple #Apple Watch #Masimo