Россияда яна беш киши «чет эл агенти» деб эълон қилинди

Янгиланган «чет эл агентлари» рўйхатига эндиликда сиёсатшунос Станислав Белковский, ҳарбий эксперт Юрий Федоров ва журналист Иля Шепелин киритилган.

Россия Адлия вазирлиги «чет эл агентлари» рўйхатини кенгайтирди – янгиланиш 15 сентябр, жума куни маҳкама сайтида эълон қилинди. Рўйхатга сиёсатшунос Станислав Белковский ва яна тўрт киши кирган: ҳарбий эксперт Юрий Федоров, «Ходорковский Live» YouTube-канали бошловчиси Кирилл Седов, журналист Иля Шепелин ва Навалнийнинг Волгограддаги штаби собиқ координатори Евгений Кочегин.

Адлия вазирлигининг асосларига кўра, янги шахслар «чет эл агентлари» рўйхатига урушга қарши позицияси ва ҳокимиятни танқид қилгани, шунингдек, хорижий оммавий ахборот воситалари билан мулоқотда бўлгани ва бошқа «чет эл агентлари» томонидан чоп этилган материалларни тарқатгани учун қўшилган».

Россияда «чет эл агентлари» тўғрисидаги қонун 2012 йилда пайдо бўлган. Ўшандан бери бир неча юзлаб ташкилотлар ва шахслар тақиқ рўйхатига киритилди. Жисмоний шахслар – «чет эл агентлари» реестри 2022 йил апрел ойи бошида ишга туширилган бўлиб, у ННТлар – «чет эл агентлари», ОАВ – «чет эл агентлари» ва рўйхатдан ўтмаган ташкилотлар – «чет эл агентлари» рўйхати билан бир қаторда тўртинчи рўйхат бўлди. 2022 йил декабр ойидан бошлаб қонун «чет элдан кўмак оладиган» ва «чет эл таъсири остида» бўлганларни «чет эл агенти» деб эълон қилишга рухсат беради.