Қўшимча функционаллар
-
Тунги кўриниш
Путин Қирғизистонга келди. Бу - Россия раҳбарининг 2023 йилдаги биринчи хорижий ташрифи
13 октябр, жума куни Бишкекда МДҲ давлат раҳбарлари кенгашининг тор ва кенгайтирилган таркибдаги мажлиси бўлиб ўтади.
Фото: akipress.org
Россия президенти Владимир Путин МДҲ саммитида иштирок этиш учун Қирғизистонга борди. Бу - Россия раҳбарининг жорий йилдаги биринчи хорижий ташрифи. Бу ҳақда ТАСС хабар бермоқда.
12 октябр, пайшанба куни Россия раҳбари Қирғизистон Республикаси президенти Садир Жапаров билан учрашади. Улар музокаралар олиб боради, икки томонлама ҳужжатларни имзолайди ва матбуотга баёнотлар беради.
Шундан сўнг Путин Россиянинг Кантдаги ҳарбий авиабазасининг 20 йиллигига бағишланган тантанали тадбирда иштирок этади. Пайшанба куни Россия президентининг Озарбойжон раҳбари Илҳом Алиев билан музокаралари ҳам режалаштирилган.
13 октябр, жума куни Бишкекда МДҲ давлат раҳбарлари кенгашининг тор ва кенгайтирилган таркибдаги мажлиси бўлиб ўтади. Унинг якунлари бўйича мамлакатлар раҳбарлари қўшма ҳужжатларни имзолаши кутилмоқда. Шунингдек, шу куни Путин Тожикистон президенти Имомали Раҳмон билан алоҳида учрашув ўтказади.
Мавзуга оид
18:48
Хитойдан Қирғизистон орқали ўтадиган темир йўлнинг Ўзбекистондаги қисми қачон қурилиши маълум бўлди
20:44 / 26.09.2024
Садир Жапаров Асқар Акаевнинг Қирғизистон президенти лавозимида қилган учта асосий хатосини айтди
23:02 / 25.09.2024
Путин: «Бизга оддий қурол билан ҳужум ҳам ядро зарбасига асос бўлади»
19:43 / 25.09.2024