Хоразмда боғча болаларининг бошига урган тарбиячи ишдан олинди

Хусусий боғчаларнинг бирида тарбиячи болаларни калтаклаётгани акс этган видео тарқалди. Вилоят мактабгача ва мактаб таълими бошқармаси унинг ишдан бўшатилганини билдирди.

Фото: Видеодан кадр

Ижтимоий тармоқларда Хоразм вилояти Хонқа туманидаги хусусий боғчаларнинг бирида тарбиячи болаларни калтаклаётгани акс этган видео тарқалди.

Видеода хонага кирган тарбиячи болаларнинг бошига уриб, уларни ўрнига ётқизаётгани акс этган.

Вилоят мактабгача ва мактаб таълими бошқармаси ҳолат юзасидан муносабат билдирди. Қайд этилишича, воқеа нодавлат таълим муассасасида содир бўлган.

Тарбиячи тарбияланувчиларга қўпол муносабатда бўлгани ва ички меҳнат тартиб-қоидаларини қўпол равишда бузгани учун у билан тузилган меҳнат шартномаси бекор қилингани айтилади.