Шавкат Мирзиёев Қозоғистон билан ҳамкорликни ривожлантириш муҳимлигини таъкидлади

Ўзбекистон президенти Шавкат Мирзиёев Иқтисодий ҳамкорлик ташкилоти саммитида иштирок этиш учун мамлакатда бўлиб турган Қозоғистон бош вазири Алихан Смаиловни қабул қилди.

Фото: Президент матбуот хизмати

Учрашув аввалида Қозоғистон бош вазири Ўзбекистон етакчисига Қозоғистон президенти Қосим-Жўмарт Тўқаевнинг саломи ва эзгу тилакларини етказди.

Давлат раҳбари Ўзбекистон билан Қозоғистон ўртасидаги стратегик шериклик ва иттифоқчилик муносабатлари изчил ривожланиб бораётганини қайд этди.

Олий даражада эришилган, шу жумладан товар айирбошлашни ошириш, саноат кооперацияси ва логистика лойиҳаларини илгари суриш борасидаги келишувларнинг тўлиқ амалга оширилишига алоҳида эътибор қаратилди.