Туркия жандармерияси Миллий гвардия ходимларининг малакасини оширишда иштирок этади

Жорий йилнинг 12-15 ноябр кунлари Туркия жандармерияси бош қўмондони ўринбосари генерал-полковник Ҳусайн Куртўғли бошчилигидаги Туркия жандармерияси делегациясининг Ўзбекистонга ташрифи ташкил этилди.

Ўтказилган музокаралар натижасида, Ўзбекистон Миллий гвардияси ва Туркия жандармерияси ҳарбий хизматчиларининг профессионал малакасини ошириш, уларни тайёрлаш ва қайта тайёрлаш масалалари борасида қатор келишувларга эришилди.

Ташриф дастурига мувофиқ делегация аъзоларини Ўзбекистон Жамоат хавфсизлиги университети, Миллий гвардия Маънавият ва маърифат маркази, Болалар психологияси маркази, Ахборот хизмати фаолияти, “Темурбеклар” ҳарбий академик лицейи ва Кавалерия эскадронига ташрифи амалга оширилди.