Фото: Бош вазир ва Вазирлар Маҳкамаси ходимлари Бўстонлиқда кўчат ўтқазди

Бош вазир Абдулла Арипов бошчилигидаги Вазирлар Маҳкамаси ходимлари «Яшил макон» лойиҳаси доирасида Тошкент вилоятининг Бўстонлиқ туманида кўчат экди.

Фото: hidoyatov_bsh / Telegram

19 ноябрь куни бош вазир Абдулла Арипов бошчилигидаги Ўзбекистон Вазирлар Маҳкамаси ходимлари Тошкент вилояти Бўстонлиқ туманида кузги кўчат экиш мавсумида иштирок этди.

Бош вазир матбуот котиби Бекзод Ҳидоятов хабар беришича, «Яшил макон» лойиҳаси доирасида бодом, садақайрағоч, эман, қрим қарағайи сингари мевали ва манзарали дарахт кўчатлари экилган.

Президент ташаббуси билан 2021 йил ноябр ойидан бошлаб ҳар йили 200 миллион туп дарахт экиш лойиҳаси амалга оширилмоқда. 25 октябрдан 1 декабргача давом этадиган жорий куз мавсумида 85 миллион туп кўчат экиш режалаштирилган.

Шавкат Мирзиёев ҳам 14 ноябр куни Тошкент шаҳридаги маҳаллалардан бирига кўчат ўтқазиб, кузги дарахт экиш мавсумини бошлаб берганди.