Ўзбекистон транспорт оқимини бошқаришда Хитой билан ҳамкорлик қилмоқчи

Anlu компанияси билан йўлларда транспорт оқимини бошқаришда инновацион ечимларни ишлаб чиқиш имконияти муҳокама қилинди.

Фото: Транспорт вазирлиги

Хитой компанияси интеллектуал транспорт тизимини жорий этишда Ўзбекистон билан ҳамкорлик қилмоқчи.

Транспорт вазирлиги хабарига кўра, вазирнинг биринчи ўринбосари Маманбий Омаров Anlu International компанияси вице-президенти билан учрашди.

Унда интеллектуал транспорт тизими ҳамда йўлларда транспорт оқимини бошқаришда инновацион ечимларни жорий этиш масалалари муҳокама қилинди. Томонлар бу орқали ҳаракат хавфсизлигини таъминлаш йўналишида ҳамкорлик қилмоқчи.

Аввалроқ Хитойнинг Hichain компанияси Ўзбекистоннинг учта ҳудудида логистика марказини очиши маълум қилинганди.

#транспорт #Хитой