15:02 / 27.11.2023
4063

Ўзбекистон ва ИҲТ қиш мавсуми олдидан афғон халқига ёрдам кўрсатиш масаласини муҳокама қилди

Ўзбекистон президентининг ва ИҲТнинг махсус вакиллари Ислом ҳамкорлик ташкилотига аъзо давлатларнинг Афғонистон бўйича яхлит позициясини ишлаб чиқиш юзасидан фикр алмашди.

Фото: ТИВ

Ўзбекистон президентининг Афғонистон бўйича махсус вакили Исматулла Эргашев Ислом ҳамкорлик ташкилотининг (ИҲТ) Афғонистон бўйича махсус вакили Тариқ Бахит билан учрашди.

ТИВ маълумотига кўра, мулоқот чоғида Афғонистондаги бугунги вазият ва ИҲТга аъзо давлатларнинг яхлит позициясини ишлаб чиқиш юзасидан атрофлича фикр алмашилди.

Томонлар Афғонистонда инсон ҳуқуқлари, айниқса, аёллар ва қизлар ҳуқуқларини таъминлаш, қиш мавсуми олдидан афғон халқига инсонпарварлик ёрдам кўрсатиш борасидаги саъй-ҳаракатларни мувофиқлаштириш зарурлигини муҳокама қилди.

Top