Қўшимча функционаллар
-
Тунги кўриниш
Андижонда юкини байроқ билан ёпиб ҳаракатланган ҳайдовчига чора кўрилди
Ҳайдовчи 1 млн 20 минг сўм миқдорида жаримага тортилган.
Фото: Ижтимоий тармоқлар
Андижон вилоятида юкини Ўзбекистон байроғи билан ёпиб ҳаракатланган ҳайдовчи жазоланди. Аввалроқ, ҳуқуқбузарлик ҳолатининг фотосурати ижтимоий тармоқларда тарқалган эди.
Қайд қилинишича, Шаҳрихон туманида истиқомат қилувчи фуқаро 1 млн 20 минг сўм миқдорида жаримага тортилган. Унинг исми шарифи хабарда келтирилмаган.
Тегишли маъмурий иш Жиноят ишлари бўйича Шаҳрихон туман судида кўриб чиқилган ва ҳайдовчи Маъмурий жавобгарлик тўғрисидаги кодекснинг 203-1-моддаси (давлат рамзлари тўғрисидаги қонунчиликни бузиш) 1-қисмида назарда тутилган ҳуқуқбузарликни содир этган деб топилган. Унга базавий ҳисоблаш миқдорининг 3 баравари (1 миллион 20 минг сўм) миқдорида жарима жазоси қўлланган.
Маъмурий жавобгарлик тўғрисидаги кодекснинг ушбу моддаси (Ўзбекистон ёки Қорақалпоғистоннинг давлат байроғи, давлат герби ёхуд давлат мадҳияси тўғрисидаги қонунчиликни бузиш) фуқароларга базавий ҳисоблаш миқдорининг уч бараваригача (1 миллион 20 минг сўм), мансабдор шахсларга эса уч бараваридан (1 миллион 20 минг сўм) етти бараваригача (2 миллион 380 минг сўм) миқдорда жарима солишга сабаб бўлади.
Мавзуга оид
17:00 / 28.04.2026
“Эгнидаги формасига ишониб қолибман” – Андижонда ЙХҲБ инспектори одамларни чув туширди
21:08 / 26.04.2026
Андижонда икки кишини катта пул эвазига ҳаж зиёратига юборишни ваъда қилган шахс ушланди
22:05 / 12.04.2026
“Энди бу ерда бошқа ҳаракат қила олмайман”. Бабаян "Андижон" бош мураббийлигидан кетишини маълум қилди
22:14 / 11.04.2026