Қўшимча функционаллар
-
Тунги кўриниш
Фарғона вилояти темирйўл вокзалларида чипталар билан боғлиқ фириблар аниқланди
Аслида қайтарилмаган чипталар буйруқларда кўрсатилиб, янги чипталар бегона шахслар номига қайта расмийлаштирилгани таъкидланмоқда.
Фарғона вилояти темирйўл вокзалларида чипталарни расмийлаштириш билан боғлиқ қонунбузарликлар аниқланди. Бу ҳақда ЎзА хабар берди.
Қайд қилинишича, «Ўзтемирйўлйўловчи» АЖ Фарғона филиалининг темирйўл вокзалларида молиявий интизом ҳамда чипталарни расмийлаштириш технологияларига амал қилиш ҳолати мутахассислар томонидан ўрганилганда камомадлар аниқланган.
Хусусан, филиалнинг Қўқон темирйўл вокзалида 2022 йил апрел ойидан жорий йилнинг май ойигача банк пластик карталари орқали харид қилинган чипталарнинг расмийлаштирилишида сохта маълумотлар фош бўлган. Аслида қайтарилмаган чипталар буйруқларда кўрсатилиб, янги чипталар бегона шахслар номига қайта расмийлаштирилган. Оқибатда, «Ўзтемирйўлйўловчи» АЖ манфаатларига 69 миллион сўмга яқин зарар етказилган.
Шунингдек, мутахассислар томонидан чиптахоналар ҳисоботлари банк айланма маълумотлари билан солиштирилганда Марғилон темирйўл вокзалида қарийб 299 миллион сўм, Фарғона темирйўл чиптахонасида 66 миллион сўмдан ортиқ камомад аниқланган.
Таъкидланишича, ҳолат юзасидан Жиноят Кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Мавзуга оид
22:57 / 21.12.2024
Фарғонадаги портлаш, Жиззахга янги ҳоким ва кадастрдан тадбиркорларга “қора хат” — ҳафта дайжести
21:23 / 21.12.2024
Фарғонадаги цехда юз берган ёнғин оқибатида бир киши ҳалок бўлди
16:56 / 20.12.2024
Фарғонадаги автомобилларга ёқилғи қуйиш шохобчалари ҳолати ўрганиб чиқилади
19:58 / 19.12.2024