Ўзбекистонда «Ёшлар туризми ҳафталиги» ўтказилади

2024 йил 1-10 январ, ўқув таътили кунлари Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси томонидан Ёшлар ишлари агентлиги, Олий таълим, фан ва инновациялар вазирлиги ҳамда Мактабгача ва мактаб таълими вазирлиги билан ҳамкорликда «Ёшлар туризми ҳафталиги» ўтказилади.

Туризм қўмитаси ҳафталик доирасида 7 ёшдан 30 ёшгача бўлган ўқувчи, талаба ва ёшларга республиканинг диққатга сазовор жойларига саёҳат қилишни тавсия қилган.

Ушбу ҳафталик доирасида ёшлар учун йўл ва транспорт харажатлари, театр, кинотеатр ва концертларга киришда махсус чегирмалардан фойдаланиш имконияти яратилади, музей ва маданий мерос объектларига кириш эса мутлақо бепул бўлади.