Ўзбекистонда хорижий инвестиция иштирокидаги корхоналар сони энг кўп бўлган ҳудудлар айтилди

Республикада 2023 йилнинг 1 декабр ҳолатига, чет эл инвестицияси иштирокида 13 353 та корхоналар фаолият кўрсатмоқда.

Статистика агентлиги маълумотларига кўра, уларнинг ҳудудлар кесимидаги сони бўйича Тошкент шаҳри етакчилик қилмоқда – 8 446 та.

Ундан кейинги ўринлардан хорижий инвестиция иштирокидаги корхоналар сони мос равишда 1 554 та ва 562 та бўлган Тошкент вилояти ҳамда Самарқанд вилояти жой олди.

Ушбу кўрсаткич қолган ҳудудлар кесимида қуйидагича кўриниш олди:

• Фарғона вилоятида – 491 та;
• Сурхондарё вилоятида – 356 та;
• Бухоро вилоятида – 338 та;
• Андижон вилоятида – 312 та;
• Наманган вилоятида – 232 та;
• Навоий вилоятида – 211 та;
• Сирдарё вилоятида – 203 та;
• Жиззах вилоятида – 179 та;
• Қашқадарё вилоятида – 168 та;
• Қорақалпоғистон Республикаси – 165 та;
• Хоразм вилоятида – 136 та.