Қўшимча функционаллар
-
Тунги кўриниш
Исроилда ишлаб чиқилган об-ҳаво прогнози услуби Ўзбекистонда жорий этилиши мумкин
Тел-Авив шаҳрида Исроилда ишлаб чиқилган об-ҳаво ва иқлим ўзгаришларини таҳлил қилиш ва прогнозлаштиришнинг ноёб услубини Ўзбекистонда жорий этиш истиқболлари муҳокама қилинди.
Фото: AP
Ўзбекистон дипломатлари Исроилнинг Emnotion компанияси бош директори Иля Шапиро билан учрашув ўтказди, деб хабар бермоқда «Дунё».
Мулоқот чоғида Исроил компанияси томонидан яратилган ноёб технологияларга асосланган об-ҳаво ва иқлим ўзгаришларини прогнозлаштириш платформасини Ўзбекистонда татбиқ этиш имкониятлари муҳокама қилинди.
Иля Шапиронинг таъкидлашича, компания прогнозлари 80 фоиздан ортиқ аниқлиги ҳамда юқори даражадаги ўлчамлари билан ажралиб туради. Бу профилактика чора-тадбирларини ўз вақтида режалаштириш ва экстремал об-ҳаво ўзгаришлари сабабли келиб чиқадиган зарарни камайтириш имконини беради.
Учрашув якунида Emnotion компаниясининг прогнозлаштириш услуби синовларини Ўзбекистон Қишлоқ хўжалиги вазирлиги мутахассислари билан биргаликда мамлакатнинг турли ҳудудларида ўтказишга келишиб олинди.
Мавзуга оид
15:45 / 11.11.2024
Ҳафта ўрталарида Ўзбекистонда кечаси ҳаво ҳарорати нолдан пастга тушади
12:21 / 11.11.2024
12 ноябр куни ҳарорат 19 даражагача кўтарилади
12:00 / 11.11.2024
Исроилнинг янги мудофаа вазири: «Ҳизбуллоҳ» мағлуб этиб бўлинди
14:31 / 09.11.2024