7-синф ўқувчисининг бошини деворга урган ўқитувчига жиноят иши очилди

Тошкент вилояти, Чиноз туманида 7-синф ўқувчисининг бошини деворга урган ўқитувчига жиноятиши очилди. Бу ҳақда болалар омбудсмани Сурайё Раҳмонова хабар берди.

Қайд қилинишича, 11 феврал куни Тошкент вилояти, Чиноз туманидаги 1-мактаб ўқитувчиси А.С. 7-синф ўқувчисининг (2010 йилда туғилган) бошини деворга бир неча бор қаттиқ уриб, жароҳат етказган.

Оқибатда бола бош қисми соҳасидаги жароҳатлар билан шифохонага ётқизилган.

Ҳолат юзасидан Чиноз тумани ИИБ томонидан Жиноят Кодексининг 109-моддаси (Қасддан баданга енгил шикаст етказиш) 2-қисми билан жиноят иши қўзғатилган.

Ҳозир дастлабки тергов ҳаракатлари олиб борилмоқда. Ҳолат болалар омбудсмани томонидан назоратга олингани таъкидланмоқда.