Қўшимча функционаллар
-
Тунги кўриниш
Исроил ва ҲАМАС ҳозирча муҳим масалалар бўйича бирор келишувга эришгани йўқ
Сулҳ бўйича музокараларда ва гаровга олинганларни озод қилиш бўйича келишувда муваффақият йўқлиги таъкидланмоқда.
Фото: AP
Қатар Ташқи ишлар вазирлиги (ТИВ) 27 феврал куни Ғазо секторида ўт очишни тўхтатиш ва гаровга олинганларни озод қилиш бўйича музокараларда ҳозирча ҳеч қандай ютуқ йўқлигини маълум қилди. Бу ҳақда Interfax ёзди.
«Исроил ва ҲАМАС ўртасида асосий мунозарали масалалар бўйича ҳеч қандай келишувга эришилмаган», деб Қатар ТИВ баёнотини келтирмоқда Исроил матбуоти.
Миср ва АҚШ билан биргаликда воситачи сифатида ишлаётган Қатар ТИВ баёнотида айтилишича, айни дамда «сулҳ бўйича музокараларда ва гаровга олинганларни озод қилиш бўйича келишувда муваффақият йўқ».
Шу билан бирга, Қатар ТИВ воситачилик бўйича музокараларга оптимистик қарашини қайд этди.
Бир кун аввал АҚШ президенти Жо Байден Ғазо сектори бўйича келишувга келаси душанба куни, яъни 4 мартгача эришилишига умид билдирди.
Бироқ, эртаси куни ҲАМАС вакили Байденнинг умидлари «ҳарбий вазият»га тўғри келмаслигини ва ҳал қилиниши керак бўлган катта бўшлиқлар мавжудлигини айтди.
Мавзуга оид
18:31 / 13.07.2025
Исроилнинг Ғазога зарбаси оқибатида сув учун навбатда турган болалар ҳалок бўлди
23:05 / 11.07.2025
Исроил армияси ҲАМАСнинг олти нафар қўмондони ўлдирилганини маълум қилди
08:32 / 11.07.2025
Уммон, Кувайт, Баҳрайн ва Қатарда "Ўзбекистон – Ипак йўли дурдонаси" форуми бўлиб ўтди
12:46 / 10.07.2025