Ўзбекистон Миср билан қанд лавлаги етиштириш имкониятини ўрганмоқда

Қишлоқ хўжалиги вазирлиги мутасадди раҳбарларининг Nayl Shugar Миср компанияси Қишлоқ хўжалиги бизнесини ривожлантириш бўйича директори Абделнасер Торки раҳбарлигидаги делегация вакиллари билан учрашуви бўлиб ўтди.

Фото: Pixabay / Gyöngyi Nagy

Унда Nayl Shugar компанияси томонидан Ўзбекистоннинг Жиззах вилояти ҳудудларида қанд лавлагини етиштириш ва шакар маҳсулотини ишлаб чиқариш бўйича инвестиция лойиҳаси юзасидан музокаралар олиб борилди.

Музокаралар чоғида мамлакат қишлоқ хўжалиги соҳасида хорижий инвестиция лойиҳаларини амалиётга татбиқ этиш учун ҳукумат томонидан хорижий инвесторлар учун яратилган муҳит ва уларга бериладиган имтиёзлар ҳақида маълумот бериб ўтилди.

Музокарада, шунингдек, компания томонидан Германия, Нидерландия, Франциядан импорт қилиб олиб келинадиган қанд лавлаги уруғларини дастлаб тажриба-синов тарзида Жиззах вилоятидан ажратиладиган 50 – 60 гектар ер майдонларида экиб кўриш, бу майдонларнинг географик жойлашуви ва тупроқ таркиби, суғориш механизмлари ҳақида фикр билдирилди.

#Миср #қанд лавлаги