Ўзбекистонлик аёл Ҳиндистондаги меҳмонхонада ўлик ҳолда топилди 

Ҳиндистоннинг Бангалор шаҳридаги меҳмонхонада ўзбекистонлик сайёҳ аёл бўғиб ўлдирилган ҳолда топилди. Бу ҳақда Times Now ёзди. 

Манбага кўра, Зарина исмли саёҳатчи аёл 5 март куни меҳмонхонада рўйхатдан ўтган. 13 март куни меҳмонхона ходимлари у билан боғланишга ҳаракат қилган, бироқ жавоб олинмаган. Шундан сўнг, захира калит ёрдамида хонага киргач, аёлни ўлик ҳолда топишган. 

Полициянинг аниқлашича, Раҳул Кумар исмли шахс Зарина учун 16 мартгача хонани банд қилиб қўйган. 

Шунингдек, полиция эҳтимолий далилларни топиш учун хонани тинтув қилган. Хонага кирган шахсларни аниқлаш учун видеокамера ёзувларини ва меҳмонлар рўйхатини текширишни бошлаган. Сирли ҳолат юзасидан тергов давом этмоқда.