Туркияда шифохонадан қарз бўлиб қолган ўзбекистонликка ёрдам кўрсатилди

2024 йилнинг бошларида Туркия Республикасига келиб, оғир касал бўлиб Samsun Eğitim Araştırma давлат шифохонасига тушиб қолган фуқародан мурожаат келиб тушди, деб хабар бермоқда Истанбулдаги бош консулхона.

Фото: Истанбул шаҳридаги бош консулхона

Қайд этилишича, фуқаро шифохонадан 137 000 турк лираси миқдорида катта пул маблағи қарз бўлиб қолган.

Анқара шаҳридаги элчихона ва Истанбул шаҳридаги бош консулхона биргаликда ҳамда «АДС ҳуқуқ» адвокатлик фирмаси билан ҳамкорликда фуқаронинг шифохона тўловларини аксарият қисмини қисқартирган ҳолда Ўзбекистонга етиб олиши таъминлаб берилди.

Бош консулхона бу ҳолат юзасидан ёрдам берган фаол ватандош ва «АДС ҳуқуқ» адвокатлик фирмаси ходимларига миннатдорчилик билдирган.