Мадуро Каракасда ўзига суиқасд қилишга уриниш қайд этилгани ҳақида хабар берди

Венесуэла президенти ҳаётига суиқасд қилишда гумонланиб бир неча киши қўлга олинди. Николас Мадуро бунда Vente Venezuela мухолифат партияси аъзоларини айблади. Улар айбловларни рад этди.

Фото: Jesus Vargas / Getty Images

Бунда у Vente Venezuela мухолифат партияси аъзоларини айблади. Унга кўра, қуролланган икки киши қўлга олинган. «Улар ўзини Vente Venezuela ўта ўнг фашистик партияси аъзолари эканини аллақачон эълон қилган. Улар тан олди», - дейди Мадуро.

Пойтахт ҳукумати раҳбари Наум Фернандеснинг айтишича, Каракасдаги юриш чоғида уч киши қўлга олинган. «Уларда президентга отиш мумкин бўлган қурилма бор эди», деди у.

Расмийларга кўра, 2023 йилдан бери президентлик сайловлари олдидан мамлакат раҳбариятига қарши «камида еттита фитна»нинг олди олинган. Март ойида бош прокурор Тарек Уилям Сааб Матурин шаҳрида икки фуқаро таҳдидларни эълон қилгани ва Мадурога суиқасд уюштириш бўйича тил бириктиргани учун ушланганини айтди. Қўлга олинганлар Миллий гвардиянинг дезертир сержанти Ренцо Флорес ва «R иши» сиёсий ташкилотидан Уилфер Хосе Пиня бўлиб, уларга террорчиликда айблов қўйилган. Айбланувчиларнинг телефонларида қурол-яроғни қўлга киритиш ва исён уюштириш учун 50 нафар аскарни ёллаш ҳақидаги суҳбатлар бўлган.

Vente Venezuela Мадурога суиқасд уюштириш айбловларини рад этди. У ерда президент айтаётган қўлга олинган шахсларнинг партияга алоқаси йўқлиги маълум қилинди.

Мадуро бир кун аввал президентликка номзод сифатида рўйхатга олинган эди. Сайловлар 28 июл куни бўлиб ўтиши керак.

Январ ойида Олий суд мухолифат етакчиси ва Vente Venezuela раҳбари Мария Корина Мачадога 2038 йилгача давлат лавозимида ишлашни тақиқлаган эди. Шу тариқа, у президентлик сайловларида иштирок эта олмайди. У Миллий ассамблеянинг собиқ раиси, «узурпатор Хуан Гуайдонинг коррупцион фитнасида» иштирок этганликда айбланган. Яна бир мухолифат номзоди, Миранда штатининг собиқ губернатори Энрике Каприлесга ҳам 2032 йилгача сайлов орқали эгалланадиган лавозимга даъвогарлик қилиш тақиқланган.

Март ойида Мачадонинг сайловолди штаби раҳбарларидан бири Эмил Брандт Уллоа «террорчилик фитнаси»да айбланиб ҳибсга олинган эди. Сўнгги ҳафталарда Мадуронинг «буйруғи билан» мухолифат етакчиси Мачадонинг яна бир қанча шериклари «йўқолиб қолди», деб ёзган Infobae.