Умумий ўрта таълим ташкилотларида фаолият юритаётган ўқитувчилар сони тўғрисида маълумот тақдим этилди.
Фото: Мактабгача ва мактаб таълими вазирлиги
2023-2024-ўқув йили бошида мамлакатдаги умумий ўрта таълим ташкилотларида таълим бераётган ўқитувчилар (ўриндошларсиз) сони 547,7 минг нафарни ташкил этган.
Статистика агентлиги маълумотларига кўра, бу кўрсаткич 2019-2020-ўқув йили бошига нисбатан солиштирилганда 61,1 минг нафарга ошган.
Йиллар кесимида умумий ўрта таълим ташкилотларида таълим бераётган ўқитувчилар (ўриндошларсиз) сони:
- 2019-2020-ўқув йили бошига 486,6 минг нафар;
- 2020-2021-ўқув йили бошига 508,2 минг нафар;
- 2021-2022-ўқув йили бошига 510,0 минг нафар;
- 2022-2023-ўқув йили бошига 521,6 минг нафар;
- 2023-2024-ўқув йили бошига 547,7 минг нафар.
