Часив Ярда оғир жанглар бошланди, Изюм яқинидаги вайрона қишлоққа одамлар қайтмоқда. Уруш суратлари

Украинадаги урушнинг 778-куни ўтди. Асосий маълумотлар:

• Харкив областида чегарадош ҳудудлардан болали оилалар мажбуран эвакуация қилиниши бошланди.
• Киев областидаги энг кучли электр станцияси ҳисобланган Трипол ИЭС Россия зарбаси оқибатида буткул вайрон бўлди.
• Рада сафарбарлик тўғрисидаги қонунни қабул қилди.
• Европарламент Украинага Patriot тизимлари берилмагунича Еврокенгашни молиялаштириш масаласида овоз беришдан бош тортди.
• Сахалинда — Россияда биринчи марта — ҳарбий ўз ихтиёри билан асир тушишда айбланди.

Кун кадри. Часив Яр учун жанглар вақтида чиққан ёнғин

Россия қўшини Донецк областидаги Часив Яр шаҳрига юриш қилмоқда — бу фронтнинг мазкур участкасидаги стратегик муҳим нуқта. Бир ҳафта муқаддам Россия қўшини авиация кўмагида зирҳли танклар колоннаси билан ҳужум қилиб, шаҳар чеккасидаги Канал микрорайонига етиб келганди. Шундан буён район учун оғир жанглар олиб борилмоқда. Фронтдаги вазият ҳақида бу ерда ўқиш мумкин.

Северск яқинидаги украин артиллериячилари

РФ қўшинларининг Украинага кенг кўламли босқинининг биринчи йилида — 2022 йил июлида — Россия қўшини Северскни эгаллаб олишга уринганида муваффақиятсизликка учраганди. Бу Донецк областининг Бахмут районидаги аҳолиси 10 минг киши атрофида бўлган шаҳар. 2022 йил сентябридаги қарши ҳужум давомида украин ҳарбийлари РФ қуролли кучларини шаҳар атрофидан суриб ташлайди. 2024 йил апрелда Россия қўшини шаҳарга яна бир бор юриш қилишга уринмоқда, украин артиллериячилари Северск мудофаасини давом эттирмоқда.

.

Озод этилган Долгенке қишлоғига қайтаётган аҳоли

Харкив области Изюм районидаги Долгенке қишлоғи 2022 йил июнида Россия қўшини томонидан эгаллаб олинган, ўша йил сентябридаёқ Украина қуролли кучлари томонидан озод этилган. Қишлоқ жанглар вақтида деярли буткул вайрон бўлган, аммо аҳолининг бир қисми бу ерга қайтиб келмоқда.