Тошкентда Ўзбекистон ва Қозоғистон ўртасида маслаҳатлашувлар бўлиб ўтди

Тошкент шаҳрида Ўзбекистон ва Қозоғистон 16 апрель куни ташқи ишлар вазирликлари ўртасида консуллик-ҳуқуқий масалалар бўйича маслаҳатлашувлар бўлиб ўтди.

Фото: "Дунё" АА

ТИВ маълумотига кўра, маслаҳатлашувларда икки давлат ташқи ишлар вазирликларининг консуллик хизматлари ва ҳуқуқни муҳофаза қилувчи идораларининг вакиллари иштирок этди.

Тадбирда консуллик соҳасида, шунингдек, фуқароларнинг ҳуқуқ ва манфаатларини ҳимоя қилиш бўйича Ўзбекистон-Қозоғистон ҳамкорлигини ривожлантириш масалалари муҳокама қилинди, мазкур йўналишлардаги алоқаларда қўшма лойиҳаларни амалга ошириш юзасидан таклифлар кўриб чиқилди.

Музокаралар якуни бўйича баённома имзоланди.

#Қозоғистон #маслаҳатлашув