Наманганда мактаб директори ўринбосари ўқитувчилар номидан кредит олгани маълум бўлди
«Вазифасига нисбатан совуққонлик билан ёндашган» директор ўринбосари лавозимидан озод қилинган.
Наманган туманидаги 27-сон мактабнинг ўқув ишлари бўйича директор ўринбосари З.А. ўқитувчи ва ходимлар номидан кредит олгани маълум бўлди. Бу ҳақда Наманган вилояти мактабгача ва мактаб таълими бошқармаси хабар берди.
Қайд қилинишича, ижтимоий тармоқларда директор ўринбосарининг фаолияти ўрганиб чиқилиши кераклиги, у ўқитувчи ва ходимлар номидан кредит олиб, тўламай юргани, оқибатда ўқитувчилар ҳамда ходимлар ўз ҳисобидан кредит тўловини қайтариб келаётгани ҳақида хабар тарқалган.
Наманган тумани мактабгача ва мактаб таълими бўлими ишчи гуруҳи томонидан олиб борилган ўрганишда бу ҳолат ўз тасдиғини топган. «Вазифасига нисбатан совуққонлик билан ёндашган» директор ўринбосари лавозимидан озод қилинган.
Унинг қилмишидан қанча ўқитувчи ва ходим жабрлангани ҳақида хабар берилмаган.
Мавзуга оид
22:25 / 12.11.2024
Суд Поп тумани ҳокимининг ўғлини қамоққа қайтарди
21:11 / 11.11.2024
Наманганда поезд билан тўқнашган Damas ҳайдовчиси ҳалок бўлди
17:35 / 11.11.2024
Наманганда тўёна кўринишида пора олган кадастр бўлими бошлиғи 5 йилга қамалди
09:30 / 07.11.2024